Nýggjur bani kemur ókeypis til Titanfall 2 multiplayer


Fyri einum mánaða síðani kom Titanfall 2 út, uppfylgjarin til upprunaliga spælið sum kombinerar infantry-action við stórar mechs.

Hesuferð hevði spælið ein single-player campaign, og hon fekk góða móttøku fyri at vera innovativ og stuttlig at spæla ígjøgnum. Undirritaði er samdur.

Men sjálvandi er multiplayer aftur ein stórur partur av Titanfall 2. Nú er komin ein uppdatering til hendan partin, nemliga við einum heilt nýggjum bana sum eitur Angel City. Og einki við at tú noyðist at keypa hann við einari micro-transaction. Tú sært ein trailer fyri Angel City uppdateringina niðanfyri.

02/12/2016 klokkan 06:00 - HForce

Trailer fyri nýtt veiðu-spæl


Einaferð vóru veiðuspøl populer, serliga við røðini Deer Hunter. Tað er kølnað nakað í seinastuni, men theHunter: Call of the Wild vil broyta uppá tað.

Nýggja veiðuspælið sær út til at hava flottan grafikk í ein tætt-bygdum skógi, har vill djór síggjast og hoyrast. Tú ert eitt veiðufólk við tínari byrsu, og tú ert úti í nátturuni eftir tínum máli.

Um tú bara hevur skotið leirdúgvur, men kundi hugsað tær nakað størri, so kanska tú vilt royna theHunter. Trailer sæst niðanfyri.

01/12/2016 klokkan 06:00 - HForce

Nú koma skins fyri handskar til CS:GO


Counter-Strike: Global Offensive spælarar ganga høgt uppí síni skins. Tey mest populeru in-game skins kunnu seljast fyri fleiri túsund krónur.

Nú kemur enn ein pengamaskina frá Valve: skins til handskar. Tað sum tú sært allarmest í CS:GO er tínar egnu hendur, og nú kanst tú stíla tær sum tú vilt við nýggjum handskum.

Handskarnir fáast í einum nýggjum Glove Case, júst sum onnur nýggj vápna skins.
30/11/2016 klokkan 06:00 - HForce

Bygg tín egna basa í No Man’s Sky


Nú er ein munandi uppdatering til No Man’s Sky endiliga komin út. Hon eitur Foundation, og er eftir ætlan eitt grundarlag til at byggja víðari á hjá Hello Games, mennarin av No Man’s Sky.

Uppdateringin kemur sjálv við stórum broytingum. Serliga er tað nýtt, at tú kanst byggja tín heilt egna basa á einari planet. Tú kanst útbyggja hann so við og við sum tú samlar meira tilfeingi. Tú kanst eisini til ein og hvørja tíð teleportera millum tín basa og aðrar planetir, so tú ikki verður bundin fastur, men sleppur enn at flúgva runt og uppdaga meira.

No Man’s Sky hevur selt ekstremt væl, men tað mesta var pre-orders, av tí at spælið varð meira hyped enn nakað annað hevur verið í langa tíð. Tá ið spælið so endiliga kom út, vórðu tey flestu skuffaði.

Vit fáa at síggja, um Hello Games megna at venda skuffilsi við aftur við hesari og framtíðar uppdateringin. Tú sært eina video frágreiðing av Foundation uppdateringini niðanfyri.

29/11/2016 klokkan 06:00 - HForce

Uppdatering kemur til No Man’s Sky


Ársins skuffilsi eitur No Man’s Sky, spælið hjá Hello Games sum varð útgivið til PC og consoles við ekstremt stórum hype.

Spælið lovaði eitt óendaligt univers við procedurally generated planetum at uppdaga. Tað kom út við einari rúgvu av bugs, og yvirhøvur vánaligum og keðiligum gameplay.

Kanska okkurt broytist? Hello Games hava kunngjørt ein uppdatering til spælið sum skal koma skjótt. Uppdateringin eitur Foundation, og skal nemliga leggja eitt grundarlag fyri framtíðar uppdateringar. Heilt konkret nevna tey “base building”, altso at tú kanst skapa tín egna basa.
28/11/2016 klokkan 06:00 - HForce

Variatión kemur til Rocket League við Steam Workshop


Mennarin av Rocket League hevur skapt nógv nýtt innihald til spælið, síðani tað varð útgivið. Við nýggjum maps og enntá totalt nýggjum spæli-mátum, so er Rocket League alt annað enn keðiligt.

Men skjótt kann nýtt innihald eisini koma frá tær sjálvum. Spælið kemur nemliga at rigga saman við Steam Workshop skjótt, soleiðis at tú skjótt og lætt kanst skapa banar og deila teir við heimin, og ikki minst royna banar hjá øðrum.

Fyri stuttum hoyrdu vit um, at Rocket League fær eina funktión, har tú kanst gera tínar egnu “tutorials” inni í sjálvum spælinum. Við hesum tíðindinum ljóðar tað til, at Rocket League í stórri mun kemur til at rigga við íkasti frá fjepparum.
27/11/2016 klokkan 06:00 - HForce

Verð ein hemmiligur agentur í virtual reality


Tú kennir ikonisku scenuna. Hemmiligi agenturin situr spentur fastur til eitt borð, meðan ein lasari spakuliga nærkast og er um at skera hetjuna í helvt.

Skjótt kanst tú verða hendan hetjan. Spælið I Expect You To Die er eitt virtual-reality spæl, har tú verður blakað/ur í umstøður har lasarar, bumbur og alt møguligt farligt er úti efti tær, og tú mást yvirliva. Men eg vænti at tú doyrt.

Spælið kemur til Oculus Rift og PlayStation VR fyri fyrst. Tú sært ein trailer fyri I Expect You To Die niðanfyri.

26/11/2016 klokkan 06:00 - HForce

Ókent first-person spæl frá Blizzard


Sambært starvslýsingum hjá Blizzard, so er fyritøkan í gongd við at menna eitt spildurnýtt first-person-shooter spæl. Tvær lýsingar leita eftir fólki til eitt “unannounced project that utilizes a robust first-person engine”.

Higartil er Overwatch einasta first-person spælið sum legendariska Blizzard nakrantíð hevur útgivið. Tað er ekstremt væl móttikið, og kanska hetta hevur givið teimum mót uppá at royna við meira.

Hetta projektið kann sjálvandi bara vera nýtt innihald til Overwatch, men tey meira spentu av okkum satsa sjálvandi uppá, at StarCraft: Ghost enn er ein møguleiki. Tað spælið varð ment av Blizzard fyri nógvum árum síðani, men tey komu ongantíð so langt sum at vilja útgeva tað.
25/11/2016 klokkan 06:00 - HForce

Kategori Arkiv Síða [1] 2 3 4 5 6 ... 219 220 221 >